Cantar em Wache

Ou cantar em wa-chee-way como lhe chamamos na vila onde me criei.

Seguro que hai moitos nomes distintos de referir-se a isto polo mundo adiante.

Trata-se de cantar num idioma que vás inventando sobre a marcha principalmente porque nom sabes a letra nem absolutamente nada da língua na que está escrita, pero aínda assi tiras para adiante e tratas de dar o pego. É umha práctica moi extendida em bares e concertos. Todos o fazemos e o fixemos. Eu aínda o fago na casa quando me emociono com Pizzicato Five (nom tenho nem idea de japonês). Também é habitual beber quando vem umha parte do tema que nom sabes cantar para dissimular.

Com isto quero compartir artistas que nom se rompérom a cabeça à hora de cantar em Wache:

1- Adriano Celentano fazendo que canta em inglês em Prisencolinensinainciusol:

2- A banda belga Urban Trad quedou segunda em Eurovisão cantando num idioma inventado (e com gaita e cantante galega):

3- Sigur Rós canta numha língua que eles denominam «Vonlenska»:

4- Por último, a cena de Charles Chaplin em Modern Times na que canta num idioma improvisado (ides ter que vê-lo directamente a YouTube). Esta foi a primeira vez que se sentiu a voz do actor nos cinemas.